شوفتى يامصر هاااام جدا(بقلم \ايمان محمد)

[code][b][u][b]شوفتى يامصر كام شاب متخرجيين
وكام سنة ع القهوة قاعدين
بيعانى من البطالة وقلة الشغل
ويوم عن التانى بيزداد علينا الحمل
والواحد عشان يصرف المعاش
فلوس عشان الرشاوى والاكراميات بتتحاش
عشان نجيب رغيف العيش نقف بالساعات
عشان رغيف العيش يقع بينا الخناقات
شوفتى الناس اللى فى العشوائيات
شوفتى الناس اللى بتركب العربيات وتسكن العمارات

انا مش قصدى انى اذكر الحاجات اللى زى دى فى بلدى فعلا فى حاجات كتير فى مصر مش كويسة لكن فى حاجات اكتر كويسة واحلى احنا زى مابنقول مصر فيها كذا وكذا وحش نفتكر بردو ان فيها حاجات كتير حلوة
نفتكر انها ادتنا كتير احنا مش نستنى لما حد يغيرنا لو ملقناش الفرصة نحاول نعمل حاجة نحاول نغير نفسنا
مافيش شغل مش نستنى نقوم نزرع ارضنا بايدنا عشان ناكل نفسنا ومش نمد ايدينا لحد ولا حد يتحكم فينا
ولا نخلى اى حاجة تاثر علينا احنا اعظم شعوب العالم واعظم بلد مش نفضل نقول مصر فيها كدب وغش وخيانة وتزوير شوفه هى اديتكو ايه هل انت عملت الواجب اللى عليك حاولت انك تصلح بلدك بايديك ماتستناش حد يغيرك دا المثل بيقول اسعى ياعبد وانا اسعى معاك انت سعيت ومالقتش التيجة سعيت ومالقتش ثمرة جهودك
مصر ليها عليك حق وزى ماذكرت فى الشعر اللى فات احاجات اللى فى بلدى بردو بقول ان مصر ام العالم وام الدنيا وام التاريخ وام الحضارة ونيلها مصنع الرجال وزى ماكتبت الشعر اللى فات بردو كتبت الشعر ده اتمنى ان مافيش حد يفهم كلامى غلط ونحاول نصلح بلدنا بايدينا

      وده الشعر

=========================================================
ياالى اتذكرتى فى القران
اول ماتولدنا لقينا الامان
حبك بيجرى فى دمنا وفى قلبنا
ولو هانديكى حقك مش كفاية عمرنا
يامصر يابلدى ياام الدنيا
ادفن فيكى كل العناصر الخاينة
ياالى مشينا تحت سماكى وكلنا من خيرك
ياالى مشينا على ارضك وشربنا من نيلك
فيكى لقينا الحب والامان
فيكى لقينا الدفئ والسلام
فيكى بقينا مسيحى مع مسلم
وماقدرش يفرقنا كل مجرم
فيكى اعظم شعوب الامم
يتجرح عشانك ويتحمل كل الالم
فيكى شعب يقول للظلم لاء
فيكى شعب اصيل وعلى حق
عيونا هاتفضل عليكى سهرانة
نيلك صنعنا ورجالة خلانا
لو هانموت عشانك بدل المرة الف
نموت ونكتب بدمنا تاريخك حرف حرف[/b][/code]
اتمنى ان تنال اعجابكم

[/b][/u][/left]