للبنات الجريئه فقط ....رد فعلك هايكون ايه؟

قولى ها تعمولوا اية؟شوية مواقف محرجة مووووووت

--------------------------------------------------------------------------------

.عايزين نشوف بقى عضوات المنتدى .. رد فعلهم ايه وحيتصرفوا ازاى فى المواقف دى


الموقف الاول: مروحه بالليل ....ولسه داخله على بوابة العماره..فجأه النور ينقطع عن كل المنطقه..لدرجة انك مش شايفه حتى ايديكى...شعورك ح يكون ايه ..وح تعملى ايه بأمانه..خاصة ان فيه قطه غلسه ومفترسه ..دايما تقابليها وانتى طالعه على السلم




الموقف الثاني:رايحه فرح واحده صاحبتك.. ولابسه بقى اللى على الحبل..ولسه نازله من التاكس .. ورايحه على الفرح خلاص اهو.. وفجأه..تلاقى واحد ابن حلال يعدى بالعربيه جنبك.وبسرعه..ول حظك الجميل تكون فيه بركة ميه يدوس عليها عشان تغرقك تماما .. شعورك ح يكون ايه.. و ح تتصرفى ازاى


الموقف الثالث:ربنا اكرمك.. وكسبتى عشر الاف جنيه..وعزمتى اصحابك عند أغلى مطعم كباب..وبعد ما أكلتو وانبسطو .. وحليتو كمان.. الحساب جه.. يعنى حوالى كده 300 جنيه.. وبتدورى على الفلوس .. اتاريكى نستيها..شعورك ح يكون ايه وسط اصحابك.. وح تتصرفى ازاى


الموقف الرابع:مروحه بالليل بس المره دى الانوار كلها ملعلعه.. ولسه داخله على البوابه.. لاقيتى واحد قاعد على السلم ومبرق ليكى عنيه.. وسادد الطريق قدامك وعايزه تتطلعى...وتنادى فيه مهما تنادى..والراجل بجم مش بيحس..بعد بقى ما حاولتى معاه بكل الطرق السلميه والغير سلميه..رحتى هاجمه عليه.. وزقتيه عشان تتطلعى.. اول ما لمستيه.. لاقتيه انكفا على وشه.. وفيه سكينه مغروزه فى ضهره...شعورك ساعتها ح يكون ايه.. وح تتصرفى ازاى


الموقف الخامس:رايحه وسط البلد تقضى مشوار.. وراكبه تاكسى..وفجأه لاقيتى السواق متجه بيكى بسرعه على طريق مختلف.. وبتقوليله دا مش طريقى.. وهو ولا سامعك.. شعورك ح يكون ايه .. وتتصرفى ازاى..((موقف صعب اوى بس ممكن اى حد يتحط فيه)))


الموقف السادس:مسافره اسكندريه فى القطار درجه اولى تكييف...كنتى تعبانه اوى اوى...راحت عليكى نومه خاصه ان القطر دافى .. وكل اما كمسارى يشوفك وانتى نايمه تصعبى عليه ويسيبك نايمه.. وفجأه تصحى .. تلاقى نفسك فى اسيوط.. شعورك ح يكون ايه .. وحتتصرفى ازاى


الموقف السابع:ماشيه فى الشارع ..لا بيكى ولا عليكى... وبتبصى من بعيد لاقيتى ناس بيشاوروا عليكى.. ومعاهم خير اللهم اجعله خير..قميص ابيض فى ابيض.. بكمام طويله.. وبيصرخوا ويقولوا ..((بلحه أهى..بلحه أهى ..امسك يا جدع انت وهو..دى لسه هربانه من المستشفى حالا)) شعورك ح يكون ايه.. وح تعملى ايه.. خصوصا انهم لسه بعيد عنك..

ايه دةهو مفيش بنات فى المنتدى الا انا ولا ايه ياجماعة

الموقف الاول
هحاول انور بالتيليفون او اتصل باى حد فى البيت ينزل ياخدنى وممكن احارب خوفى واتحدى القطه واطلع لوحدى
الموقف التانى

هحاول اشوف مياه نظيفه اشطف بيها اللبس واركب تاكسى واروح بيتنا احسن وبعدين ابقى اعتذر لصاحبتى

الموقف التالت

اكيد دول صحابى وهكون واخده عليهم فهشرحلهم الموقف ونحلها مع بعض

الموقف الرابع
هخرج امام البوابه واشوف اى حد اعرفه يجىيشوف مين الرجل ده وعايز ايه
ا
الموقف الخامس
هكسر الدنيا لحد مايقف ولو ماوقفش ونزلنى ممكن اصرخ او افتح الباب والتاكسى ماشى ولو كان عايز يخطافنى هلاخمه لحد مايعمل حادثه(عليا وعلى اعدائى)

الموقفالسادس
اكيدهبقى متوتره جداوهحاول اتصرف وارجع اسكندريه تانى

الموقف السابع
اقولهم انتو مجانين وهجرى لحد لما اقابل حد يقف جنبى
بس كده ياستى ادينى رديت اهو عشان متزعليش
0