شباب بلدنا

تذكير بمساهمة فاتح الموضوع :

بسم الله الرحمن الرحيم

الفكرة وباختصار هي محاولة لتفعيل دور الشباب في خدمة البلد يعني ازاي البلد تستفيد من اهلها بالفعل مش بالكلام بس
انطلقت الدعوة من الاستاذة فاطمة طه ولبى الدعوة بعض من الشباب لحضور اجتماع في مدرسة منشأة العمار الاعدادية وتمت مناقشة كتير من الافكار اللي ممكن تستفيد منها البلد

ولوحظ في الاجتماع حماس شديد من الشباب لخدمة بلدهم وتم طرح افكار كثيرة جدا ومقترحات رائعة يمكن ان تنطلق بالبلد نحو فجر جديد مما افضى على الجميع روح تفائل عالية

مما جعل الجميع يأمل في حضور كل افراد القرية للاستفادة من الافكار المختلفة لتسخيرها في خدمة البلد

وسيتم تخصيص هذا الموضوع لتسجيل الاجتماعات وعرض الافكار والمقترحات من خلاله وكذلك معرفة المواعيد الجديدة للاجتماعات

الدعوة عامة ومفتوحة لكل من يمكنه المشاركة وحضور الاجتماعات او المشاركة بالافكار والمقترحات ولكل اهل القرية[/size][/color]

اكيد هنستفاد من منتدى شباب العمار بس احنا عايزين ان افكارنا كلها تكون جديده وان شاء الله شباب منشية العمار ادها وؤدود

فاكرين ياجماعه لما ابله فاطمه فى اول اجتماع قالت لنا ان فكرة اننا يكون لينا دور فى احداث تغيير فى البلد
كانت وليدة ماحدث من احداث25يناير عارفين ايه اللى حصل ياجماعه احنا المصريين خرجنا على الحاكم ودى حاجه مش سهله لأننا شعب بيقدس الحاكم وانا متأكده ان لو كان مبارك خرج واتكلم معانا بطريقه لينه وهو الامر اللى حصل فعلا وحدث نوع من التراجع فى الثوره لولا اللى حصل فى يوم الاربعاء بالحادثه التى باتت تسمى موقعة الجمل انا بقول كده ليه لأنى عندى سؤال هل احنا ياجماعه عندنا جرأه اننا نقف فى وش الفساد اللى فى المنشيه اللى بالرغم من انها قريه صغيره الا انها مليانه فساد
علما بان الفاسدين دول اهلنا احنا هنا فى البلد معظمنا يقرب لبعض ولو بصلات بعيده ناحية الام او حت ناحية الجدود
دلوقت البلد فيها مبانى كتير اتبنت على الاراضى الزراعيه فهل لوطلب منا التبليغ هل سنبلغ
هل سنبلغ على البائعين ايا كانت السلعه اللى بيبوعوها لو كانت مش بسعره الحقيقى
هل هنقف ادام كبار البلد اللى بيأيدوا ناخب بعينه علشان مصالح معينه وهنقول لأ احنا مش عايزين ده
هل هنقدر مجرد سؤال

على فكره ياجماعه انا حاسه ان مجموعة شباب بلدنا هيكون ليها دور فعال جدا وهنحقق حاجات كتير فى
البلد وهنعليها لفوق اوى ومين عالم ممكن يكون لينا دور فعال على مستوى الدوله ومش بس الدوله على مستوى العالم بس احنا محتاجين كل العقول المفكره فى البلد وبتمنى نبقى ايد واحده ونقضى على الفساد الموجود حوالينا فى كل مكان واكيد هنقدر ان شاء الله

معاكى ياايمان انا فى البدايه كنت بافكر اننا ممكن نبلغ عن مانراه من فساد لكن رد ابله فاطمه خلانى افكر
ان لو احنا عملنا كده ممكن نجلب العداوه لنا
كمان فكرة انهم يعرفوا ان فى حد ممكن يتصدى لهم فده يخليهم يبطلوا فكره صحيحه جدا وكمان حل وسط
مرضى

انا معاكى جدا يامروه ان احنا هيكون لينا دور ان شاء الله فى عمل شئ يفيد البلد

ياجماعه أنا عملت بيدج لينا على الفيس بوك با أسم شباب بلدنا يعنى ال هيدخل هيكتب فى البحث شباب بلدنا بالعربى وهيلاقيها أن شاء الله وعلى العموم ده برضه عنوان الصفحه https://www.facebook.com/pages/%D9%90%D8%B4%D8%A8%D8%A7%D8%A8-%D8%A8%D9%84%D8%AF%D9%86%D8%A7/153399064717321 يالا عاوزين شوية نشاط كده

لا شكر على واجب يا أستاذه وبعدين أحنا ال المفروض نشكرك على المجهود العظيم ال حضرتك قيما بيه









I am proud that I am EGYPTIAN

انا دخلت على الصفحه النهارده الصبح بس لأنى مكنتش عارفه اشارك اذاى مشاركتش
بكره انشاء الله ادخل بس ممكن تفيدونى اشارك اذاى
بخصو ص امبارح واحنا بنتكلم عن الطلبه اللى محتاجين مساعده كانت الصوره اللى مسيطره عليا هى اساتذة
الابتدائى دول محتاجين مدرب تنميه بشريه ولان مفيش حاجه مستحيله فأنا عندى امل ان نظرة المدرسين
لمهنة التدريس تتغير
كمان امبارح قابلنا استاذ اشرف وقال ان محمد قاله على الفكره وقال انه هييجى الاجتماع الجاى
فانا فكرت اننا بمساعدة الاستاذ اشرف ممكن نبدا برنامج التوعيه الدينيه بأنه يطلب من الشيوخ اللى فى البلد
او القارئين فى الدين المستنيرين بانهم يأدوا دورهم من خلال محاضرات فى المساجد يوميا
احنا كمان ممكن نقترح عليهم بعض الافكار
اظن الناس لازم زى مابتتابع مسلسل كل يوم لازم تتابع موضوع دينى كل يوم ومروه كانت قالتلى ان الناس
استجابت للدروس دى فى رمضان
لو ليكوا رأى مخالف او شايفين انها خطوه ممكن تتأجل ياريت تقولوا

بسم الله الرحمن الرحيم

عقد الأربعاء 23-2-2011 الاحتماع الثالث لشباب بلدنا وشهد الاجتماع فى البدايه ترحيب بلاعضاء الجدد كما حضر الاستاذ سعد محمد الاخصائى النفسى بالمدرسه وساعد فى شرح المفاهيم والامور الشخصيه وانماط الشخصيات وطرق التعامل معها

احداث الاجتماع :
قام محمد رضوان بتقديم الانماط المختلفه للشخصيه مثل الشخصيه العنيده؛والخشنه والمتسلطه والثرثاره وغيرها من الشخصيات .
ثم قام الاستاذ سعد بشرح وتفسير هذه الشخصيات وكيفيه التعامل معها وانه يجب ان نخاطب الشخصيات وفقا لعقليتهم وافكارهم فمثلا لايصح مخاطبه الجاهل بطريقه لا يفهمها .

*فالشخصيه البارده من اصعب الشخصيات فهى تودى الى الا ستفزاز فمن الصعب الوصول الى مدخل الى هذه الشخصيه والوصول الى ارائه لذلك من الممكن فتح الحوار معه من خلال المدخل المناسب له ومن هذه الطريقه نصل الى الموضوع الرئيسى او المراد ونحاول المناقشه معه فيه.

*الشخصيه الثرثاره :قد تكون هذه الشخصي هاما شخصيه مكبوت هاو ثرثاره فالشخصيه المكبوته قد تكون بحاجه الى الكلام والتخفيف عن نفسها وان يسمعها اى احد وبذلك فهى تميل الى الثرثره ؛ اما ان تكون هذه الشخصيه ثرثاره بطبيعتها لذلك منى ذكاء الشخص المتحدث معها ان يوظف الحوار بحيث يتحكم فى طريقه الثرثره هذه.

*الشخصيه المتردده: سماته/ دائما فى حيره – ليس لديه ثقه فى نفسه – من السهل اقناعه بالامور والاراء وهناك اربع طرق للتغلب على التردد على بعض الامور وهى:
1-التفكير جيدا فى الموضوع ودراسته من جميع الجوانب
2-استشاره اهل الخبره
3-استخاره الله
4-اتخاذ القرار

*الشخصيه العصبيه: من الشخصيات الاكثر انتشارا بين الناس وعند التعامل معها لابد من تهدئتها اولا او البعد عنها فى هذه اللحظه ثم مناقشه الامور معها لاحقا

*الشخصيه المعترضه: هى دائما الشخصيه التى تعترض وتنتقد الامور ولذلك لابد عند التحدث معها معرفة رايه فى الامور وفى وسط الكلام نقوم بالانتقال الى الموضوع الرئيسى حتى نتمكن من تغيير وجهة نظره


*الشخص كثير المطالب : يتم اقناعه من خلال العرض عليه بان يذكر ارائه واهدافه وان يذكر اولويات هذه الاهداف ونحققها اولا ثم نحقق التالى


*الشخص الباحث عن الاخطاء: يبحث دائما عن اخطاء الاخريين ويجعلهم يسئمون الحياه وان كان فى الحقيقه ان هذا الشخص هو الملئ بالعيوب ويمكن معالجته من خلال تجنب سؤاله او عرض عليه الاجابه على هذا السؤال


**وعلى الشخص الذى يقابل هذه الشخصيات او غيرها ان يتعامل معهم بمبدأ الرومانسيه الحالمه وتمالك الشخص نفسه وعند التعرض لاى موقف سخيف منهم يقوم الشخص المتعرض لهذا الموقف التفكير فى شئ اخر
بحيث يخرج من هذا الموقف السخيف



وبعد الانتهاء من مناقشة الانماط المختلفه للشخصيه اتجهنا الى موضوع انخفاض مستوى التعليم بالبلد واتفقنا
على القيام بتقديم بعض المساعدات للطلاب الضعاف علميا فاقترح شباب بلدنا :

1-عمل مجموعات من الطلاب الضعاف لمساعدتهم ودمج بعض العناص المتميزه الموثوق فيها اخلاقيا بينهم حتى لايشعر هؤلاء الطلاب بالتمييز
2-حصر الطلاب الضعاف لتوزيعهم على المجموعات من خلال عمل اختبار لهم
3-ان تكون هناك علاقات حميمه بين طلاب شباب بلدنا والطلاب الضعاف
4-تقسيم طلاب شباب بلدنا على التخصصات المختلفه وان كان هذا التقسيم قابل للتغيير
5-الاتفاق على تقديم مساعدات دراسيه فى مواد اللغه العربيه والغه الانجليزيه والرياضيات



**الاعضاء المشاركين فى الاجتماع:

ا/فاطمه طه – ا/سعاد السيد- ا/هند عبد الباقى – ا/ ايه عفيفى
فوزيه حامد – مروه احمد – نهله محمد – محمد رضوان – ايمان عماد – منى احمد – فاطمه عليوه – نسمه عماد


**وبالنسبه للاعضاء الجدد :

ا/عبير بدر الدين – ا/ انتصار عفيفى – ا/ سعد محمد
حنان منصور (تجاره بنها)


***ولم يتم حتى الان الاتفاق على موعد الاجتماع القادم وسوف يتم الاعلان عن الموعد القادم على منتدى
المدرسه .



والدعوه عامه..............ونتمنى الحضور

والسلام عليكم ..............والله المــوفق

نهله بالنسبه لموضع الاشتراك فى الصفحه أنتى أول ماتفتحى الصفحه هتلاقى كلمة أعجبنى أو like دوسى عليها بس وكده تبقى مشتركه وده العنوان برده https://www.facebook.com/pages/%D9%90%D8%B4%D8%A8%D8%A7%D8%A8-%D8%A8%D9%84%D8%AF%D9%86%D8%A7/153399064717321

أما بالنسبه للاأستاذ اشرف أكيد وجوده معنا فى عمل زى ده هيكون أضافه كبيره لينا كلنا وأنا واثق من أن الاستاذ أشرف عمره ماهيتأخر فى عمل الخير



أما بالنسبه للاأجتماع ال جاى ياريت يكون يوم الجمعه القادم الموافق 4 مارس وأن شاء الله هيكون فى عدد أكبر من ال كنا عليه فا أرجو من الجميع الموافقه بس ده بعد أذنكوا طبعا



I am proud that I am EGYPTIAN

[strike][u][b] شكرا يامحمد على الافاده
وانا معنديش مشكله ان الاجتماع يكون يوم الجمعه الجاى لانه بكده هتكون القايمه بتاعة الطلبه الضعاف
فى القرايه والكتابه هتكون جاهزه انشاء الله

ياجماعه انا قصدى من أن الاجتماع يكون يوم الجمعه لان عدد كبير من الناس ال فى البلد عندهم محلات لب ومش هنقدر نجمعهم الا فى يوم يكون الكل موجود فيه وأنا شايف أن أنسب يوم للكل هو يوم الجمعه












I am proud that I am EGYPTIAN

الاساس فى اختيار يوم الجمعه انه اليوم الوحيد الاجازه لينا كلنا وصعب ان جداولنا تتفق مع بعضها عشان كده
انا شايفه ان لو هنعمل اجتماع يكون يوم جمعه على الاقل لحد مانشوف الجداول
كمان النقطه اللى قالها محمد مش لازم نغفلها ابدا وهو انه يوم اجازه للعاملين

ياجماعه أحنا لحد الأن ماتفقناش على ميعاد الاجتماع القادم ياريت أى حد يرد عليا وياريت برضه تنظروا فى ميعاد يوم الجمعه ال أنا أقترحته قبل كده













I am proud that I am EGYPTIAN

تخيل الشاعر احمد فؤاد نجم خطاب وجهه مبارك الرئيس السابق للشعب المصرى وبالطبع هذا الخطاب لم
يعجب الشعب فقام فى25يناير يطلب رحيله والخطاب هو :
ياشعبى حبيبى ياروحى يابيبى ياحطك فى جيبى يابن الحلال
ياشعبى ياشاطر ياجابر خواطر ياساكن مقابر وصابر وعال
ياواكل سمومك يابايع هدومك ياحامل همومك وشايل جبال
ياشعبى اللى نايم وسارح وهايم وفى الفقر عايم وحاله ده حال
احبك محشش مفرفش مطنش ودايخ مدروخ واخر انسطال
احبك مكبر دماغك مخدر ممشى امورك كده باتكال
واحب اللى ينصب واحب اللى يكدب واحب اللى ينهب ويسرق تلال
واحب اللى شايف وعارف وخايف وبالع لسانه وكاتم ماقال
واحب اللى قافل عيونه المغفل واحب البهايم واحب البغال
واحب اللى راضى واحب اللى فاضى واحب الى عايز يربى العيال
واحب اللى يائس واحب اللى بائس واحب اللى محبط وشايف محال
واحبك تسافر وتبعد تهاجر وتبعت فلوسك دولار او ريال
واحبك تطبل تهلل تهبل عشان مطش كوره وفيلم ومقال
واحبك تأيد تعضض تمجد توافق تنافق وتلحس نعال
تحضر نشادر تجمع كوادر تلمع تقمع تظبط مجال
لكن لو تفكر تخطط تقرر تشغلى مخك وتفتح جدال
وتبدأ تشاكل وتعمل مشاكل
وتنكش مسائل وتسأل سؤال وعايز تنور وعايز تطور وتعملى روحك مفرد رجال
ساعتها هجيبك ليمكن اسيبك وراح تبقى عبره وتصبح مثال
حبهدل جنابك واذل اللى جابك وحيكون عذابك ده فوق الاحتمال
وامرمط سعادتك واهزأ سيادتك واخلى كرمتك فى حالة هزال
وتلبس قضيه وتصبح رزيه وباقى حياتك تعيش فى انعزال
حتقبل ححبك حترفض حلبك
حتطلع حتنزل حجيبلك جمال