منتدى مدرسة منشأة العمار الإعدادية

منتدى تربوي تعليمي يهتم بنواحي التواصل بين المعلمين وإدارة المدرسة من ناحية والطالب والمجتمع المحيط بالمدرسة من ناحية أخرى
 
الرئيسيةالرئيسية  البوابةالبوابة  س .و .جس .و .ج  التسجيلالتسجيل  دخول  
التبادل الاعلاني
مدرستنا
المركز العلمي للكمبيوتر بالعمار
وحدة الدعم الفني بإدارة طوخ
الهيئة القومية لضمان جودة التعليم
بحـث
 
 

نتائج البحث
 
Rechercher بحث متقدم
ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث

شاطر | 
 

 شعب مصر شعب غريب بس شعب الى قلبى قريب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ايمان محمد

avatar

عدد المساهمات : 274
تاريخ التسجيل : 25/10/2009
العمر : 21

مُساهمةموضوع: شعب مصر شعب غريب بس شعب الى قلبى قريب   السبت يونيو 19, 2010 4:54 am

أغرب حاجة فى البلد دى أهلها

أحلى حاجة فيها أهلها

أوحش حاجة فيها برضه أهلها

بحب مصر أوى علشان خاطر أهلها

واللى مجننى فى مصر برضه أهلها


خفة دمهم وتريقتهم على نفسهم ذكاءهم الطبيعى وضحكهم وعدم تكلفهم أحسن ناس ترحب بيك لما تجيلهم غريب وأول ناس ينسوك بعد ما تمشى وأحسن ناس تقف جنبك وقت ازمتك و أول ناس تفلسع أول ما يبدأ الضرب

فهلوة المصريين ملهاش حل .. دهنوا الهوا دوكو واتكلموا من الموبيل من غير ما يتحاسبوا

انا سمعت عن 4 صعايدة دخلوا المتروا فى المانيا بتذكرتين رغم ان الماكينة مصممة انها تكتشف اى تلاعب بالليزر ومتعديش غير واحد بس على مين .. مصريين كل واحد شال التانى على كتفه وعدى .. فهلوة فظيعة .. ضحكوا على الماكينة الألمانية .. لما بيحبوا بيحبوا أوى ولما بيقلبوا بيقلبوا أوى لما واحد منهم يعمل غلط يبرر غلطته بميت حاجة ولو حد غلط فيه يطلعه ابن ميت حاجة .. متقدرش تغلب واحد منهم فى الكلام .. ممكن يطلعوا ببطل السما .. وممكن يبيعوا فى ثانية علشان خاطر اشاعة .. ممكن يثوروا وانت مش متوقع .. وبطلقة نار ولا ضربة عصاية تفرقهم .. بيضحك عليهم وهما عارفين وساكتين .. اعلى مجاميع فى الثانوية .. واقل شغل فى الدنيا .. احسن ناس فى الكروتة .. ومع ذلك بنوا الاهرامات اللى استحملت 7000 سنة

بيحبوا ربنا اوى وبيخافوا منه ومع ذلك بيعصوه بيحبوا الدين جدا جدا ومع ذلك بيتهربوا منه

بيحبوا بلدهم أوى ونفسهم يهاجروا بره

بيكرهوا اسرائيل اوى ومع ذلك محدش بيعترض على سلامنا معاها

بيحبوا كل واحد من الاخوان لوحده وبيخافوا من كلمة اخوان مسلمين

رجالة اوى .. وعيال اوى

يحبوا الفول زى عنيهم .. وبيتريقوا على اللى ياكله

ميعرفوش يعيشوا من غير صعايدة .. ونكتهم كلها عليهم

بيكرهوا حسنى مبارك وميقدروش يقولوا لا للريس



شعب غريب جدا فى بلد غريبة جدا


يا بلدنا فيكى حاجة محيرانى ..


انا عرفت الحاجة دى .. أهلك يا بلدى


بس برضوا بحبهم وهيفضلوا احسن ناس فى الدنيا رغم انهم بيحاولوا جاهدين انهم ميكونوش كويسين بس الطيبة والذكاء والفهلوة وخفة الدم والكرم والحب والوحدة ربنا كتبهم عليهم


النبى بيقول : "اذا فتح الله عليكم مصر فاتخذوا منها جندا فانهم خير اجناد الارض لأنهم هم وأزواجهم فى رباط الى يوم القيامة"






التوقيع:
اقتباس :
الرجوع الى أعلى الصفحة اذهب الى الأسفل
 
شعب مصر شعب غريب بس شعب الى قلبى قريب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى مدرسة منشأة العمار الإعدادية :: المنتدى العام :: المواضيع الهامة-
انتقل الى: