CATCH ME IF YOU CAN
عدد المساهمات : 59
تاريخ التسجيل : 13/05/2011
العمر : 27
الموقع : http://shabab-m-el3amar.gid3an.com
 |  موضوع: عايز تمت ازاى؟  الإثنين مايو 16, 2011 10:46 pm | |
| واحد سألني.. عايز تموت إزاي؟
*******
عاوز تموت شهيد؟
ياتركب طيارة.. ياتركب عبارة
عاوز تموت م الجوع؟
ياتشتري شقة.. ياتشتري عربية بالقسط
عاوز تموت م الحسرة؟
ياتتفرج ع الفاترينات فى سيتي ستارز.. ياتروح زيارة لمارينا
*******
عاوز تموت م الغيظ؟
ياتتفرج ع القنوات المحلية.. ياتتفرج ع النشرة الجوية
عاوز تموت م الزهق؟
ياتستنى الأشاره لما تفتح .. ياتستنى دورك فى الطابور فى التأمين الصحى
عاوز تموت م الهبل؟
يا تخش ع النت.. ياتسمع نجوم الإف إم
*******
عاوز تموت مخنوق؟
ياتروح مصلحه حكومية.. ياتقرا الجريدة اليومية
عاوز تموت مفروووس؟
ياتركب تاكسي.. ياتركّب دش
عاوز تموت مرعوووووب؟
ياتستنى نتيجة الثانوية العامة.. ياتستنى نتيجة التحاليل عند الدكتور
*******
عاوز تموت منكاد؟
ياترشح نفسك في الانتخابات.. ياتخش ف اتفاقية الجات
عاوز تموت مشهور؟
ياتتجوز رقاصة.. ياتنصب على بنك
عاوز تموت مليونير؟
ياتعمل فيديو كليب.. ياتلعب كورة
*******
عاوز تموت ورا الشمس؟
ياتشغل مخك.. ياتفتح بؤك
عاوز تموت م الحزن؟
ياتفكر دايما ف أحوالك.. ياتحط الحكومة ف بالك
عاوز تموت ف حالك؟
اعمل نفسك دايما.. مش واخد بالك | |
|
