منتدى مدرسة منشأة العمار الإعدادية

منتدى تربوي تعليمي يهتم بنواحي التواصل بين المعلمين وإدارة المدرسة من ناحية والطالب والمجتمع المحيط بالمدرسة من ناحية أخرى
 
الرئيسيةالرئيسية  البوابةالبوابة  س .و .جس .و .ج  التسجيلالتسجيل  دخول  
التبادل الاعلاني
مدرستنا
المركز العلمي للكمبيوتر بالعمار
وحدة الدعم الفني بإدارة طوخ
الهيئة القومية لضمان جودة التعليم
بحـث
 
 

نتائج البحث
 
Rechercher بحث متقدم
ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث

شاطر | 
 

 عشااااااااااااااااااان انت مصرى جميلة جدا

اذهب الى الأسفل 
كاتب الموضوعرسالة
ايمان محمد

avatar

عدد المساهمات : 274
تاريخ التسجيل : 25/10/2009
العمر : 22

مُساهمةموضوع: عشااااااااااااااااااان انت مصرى جميلة جدا   الأحد فبراير 13, 2011 3:54 am

عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الااغانى
بتاع الحضارة وكانى ومانى
ده كله هجايص مايدخل ودانى
ــــــــــــــــــــــــــــــــــــــــــــــــــــــــــــــ
عشان انت مصرى العذاب بيناديك
تبدا فى يوم حاجات بترازيك
فى نومك فى قومك تعكنن عليك
تضايق ولسه العماص فى عنيك
مافيش مية تشطف صابونة فى ايديك
وجسمك ملزف وريحتك عاديك
فتلبس وتنزل وفيك اللى فيك
ـــــــــــــــــــــــــــــــــــــــــــــــــــــــــــــــ
ورايح لشغلك هاتحتاج مواصلة
ادى المترو واقف وكهربته فاصلة
وفى الميكروباص خناقة وحاصلة
اوتبيس فرامله عايزلها وصلة
وتوك توك دا تايه ومحتاج لبوصلة
بتوصل لشغلك بدم اتحرق
فى زحمة وكتمة وحر وعرق
رئيسك سايبلك كومة ورق
دا غير دامغة ضايعة وملف اتسرق
وفى كام مواطن عاملك قلق
ــــــــــــــــــــــــــــــــــــــــــــــــــــــــــــــــ
2
بيشكى تقوله روح اندعق
وعركة وهوجة وشاى اندلق
ومخك خلاص من الصداع اتفلق
هترجع لبيتك دا لو كان فى بيت
هاتوصل هاتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت
ــــــــــــــــــــــــــــــــــــــــــــــــــــــــــــــــــــ
عشان انت مصرى ودا للاسف
فلازم تاسى تعيش تتقرف
وكل الاساى فى حياتك ترف
فتنسى الكرامة وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟ حسبى الله ونعم الوكيل





دا كان زمان الشعب المصرى احسن شعب فى العالم بس الحاجت دى كانت زمان دلوقتى يارب النظام الجديد يغير حياتنا ويخلينا احسن ويبقى قائم ع المساواة والعدل والحق وشعب مصر قام بثورة ((ثورة الكرامة)) ومصر قبل25غيربعد25 والشهداء ليهم الجنة والفردوس الاعلى
الرجوع الى أعلى الصفحة اذهب الى الأسفل
 
عشااااااااااااااااااان انت مصرى جميلة جدا
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى مدرسة منشأة العمار الإعدادية :: منوعات :: آداب وفنون-
انتقل الى: