شباب بلدنا

تذكير بمساهمة فاتح الموضوع :

بسم الله الرحمن الرحيم

الفكرة وباختصار هي محاولة لتفعيل دور الشباب في خدمة البلد يعني ازاي البلد تستفيد من اهلها بالفعل مش بالكلام بس
انطلقت الدعوة من الاستاذة فاطمة طه ولبى الدعوة بعض من الشباب لحضور اجتماع في مدرسة منشأة العمار الاعدادية وتمت مناقشة كتير من الافكار اللي ممكن تستفيد منها البلد

ولوحظ في الاجتماع حماس شديد من الشباب لخدمة بلدهم وتم طرح افكار كثيرة جدا ومقترحات رائعة يمكن ان تنطلق بالبلد نحو فجر جديد مما افضى على الجميع روح تفائل عالية

مما جعل الجميع يأمل في حضور كل افراد القرية للاستفادة من الافكار المختلفة لتسخيرها في خدمة البلد

وسيتم تخصيص هذا الموضوع لتسجيل الاجتماعات وعرض الافكار والمقترحات من خلاله وكذلك معرفة المواعيد الجديدة للاجتماعات

الدعوة عامة ومفتوحة لكل من يمكنه المشاركة وحضور الاجتماعات او المشاركة بالافكار والمقترحات ولكل اهل القرية[/size][/color]

المعاد مناسب

ايوه ياابله فاطمه المعاد ده مناسب ليا

وانا كمان المعاد ده مناسب ليا

أنا مفيش أى مشكله بالنسبه ليا فى الميعاد ده بس أنا برضه مستنى من حضارتكم الرد النهائى علشان أقدر أعلنه على الصفحه للجميع

بسم الله الرحمن الرحيم

عقد الخميس 3-3 -2011 الاجتماع الرابع لشباب بلدنا وشهد الاجتماع تطورا كبيرا عن المرات السابقه حيث حضر اعضاء جدد ان لم يكونوا طلاب فى الجامعه الا انهم من شباب البلدالذين يسعون على تطويرها
وانقسم الاجتماع الى فقرتين
ففى الفقره الاولى حضر مديرة المدرسه وناظر المدرسه وبعض المدرسين وخاصه مدرسى المواد التى تقرر فيها عمل مجموعات تقويه لتحسين الطلاب الضعاف
وارتكزت الفقره الاولى على كيفيه تكوين المجموعات واقترح بعض طلاب شباب بلدنا الى ضروره تاهيل الطلاب الضعاف نفسيا بينما راى البعض الاخر من ضروره مصراحتهم بمستواهم المنخفض لتشجيعهم على النجاح والارتقاء بمستواهم

وقد تم تقسيم شباب بلدنا على المواد المختلفه
1- طلاب اللغه العربيه هم(فوزيه حامد-منى احمد-نهله صلاح-علا عماد)
2- طلاب اللغه الانجليزيه هم(مروه احمد- فاطمه عليوه –محمد رضوان-احمد ريان)
3- طلاب ماده الرياضيات هم(محمد عماد-ايمان عماد)

ثم اجتمع افراد اشباب بلدنا مع مدرسى المواد كلا على حده للاتفاق على المنهج الذى سيتم من خلاله مساعده الطلاب.

ثم انصرف المدرسين وبقى اعضاء شباب بلدنا وبدات الفقره الثانيه من الاجتماع وبدات الفقره بالترحيب بلاعضاء الجدد وشرح لهم الاسباب التى دعت لتكوين شباب بلدنا والاهداف التى نسعى لتحقيقها
وتم فتح موضوع القاء القمامه فى الشوارع وقد تم ذكر الحلول التى سبق ذكرها ومن اهمها وضع صناديق للقمامه فى الشوارع وتوعيه الناس بالحفاظ على البيئه ونشر التوعيه البيئيه

• اقتراحات الاحتماع :
• 1-عمل اكتفاء ذاتى بين افراد القريه اى مساعده المقتدر للمحتاج مثل توزيع الملابسه التى لايحتاجها بعض الافراد على المحتاجين(تكوين جمعيه رساله ضغيره)
• 2-توزيع الادويه على المحتاجين والذين لايقدرون على شراء الادويه
• 3-عمل عياده مجانيه ولحسن الحظ يوجد مكان متوافر لها فى القريه ووجود اطباء موافقين على المساعده والعمل فيها وان يكون فيه كل التخصصات المختلفه
• 4-تكليف أ/محمد احمد فرج الله بتجهيز مكان العياده
• 5-اكد محمد عابد على ضروره التوعيه السلوكيه للطلاب وافراد البلد وتنفيذ كل مايتخذ من قرارت وذكر بعض الامثله الدينيه على ذلك
• 6-قيام أ/سعد محمد باعطاء حصص تنميه بشريه وتاهيل نفسى للطلاب فى المدرسه- وتفعيل دور الاخصائى النفسى من خلال أ/سعد محمد
• 7-الاذاعه المدرسيه فضرورى على جميع طلاب المدرسه المشاركه فيها وعدم الاقتصار على طلاب معينين وتطوير الاذاعه واضافه المعلومات الجديده والمفيده لها
• 8-قدم أ/شريف محمد فكره عمل كتاتيب لابناء البلد ومساعدته على حفظ القراّن وتحمل مسئوليه تنفيذ هذا الاقتراح
• 9- تكوين مجلس اداره من بين الاعضاء الموجودين
• 10-لم يتم الاتفاق على موعد الاجتماع القادم وسيتم الاعلان عنه من خلال المنتدى



**الاعضاء المشاركين فى الاجتماع:
فوزيه حامد-مروه احمد- نهله صلاح-منى احمد-ايمان عماد-محمد رضوان-محمد عماد

** الاعضاء الجدد
محمد احمد فرج الله-شريف محمد-محمدعابد-احمد ريان
**المدرسين الذين شاركوا فى الاجتماع:
سميه يوسف-صبحى شحاته-فاطمه طه-سعاد السيد –سعد محمد-عماد الدين عبد الكريم-محمد لطفى-خالد نبيل-زكريا صلاح الدين-اسامه عمر السيد-وسام منصور-فاطمه سعد





والدعوه عامه.............ونتشرف بحضوركم

انا معاكى يانسمه ان رئيس مجلس الاداره تكون ابله فاطمه وننتخب من بينا اتنين مساعدين ليها ولد وبنت
وانا بارشح مروه احمد ومحمد رضوان لو حبو ا يترشحوا

اانا موافقه ان الابله فاطمه تكون رئيس مجلس الاداره ويكون فى مدرس ومدرسه معاها كمان بلاضافه ان يكون فى مجلس الاداره بنت وولد منا
ومع ده كله نحافظ على مبدانا ان كل الامور تبقى بالتشاور بين كل الاعضاء

هو ده اللى انا اقصدهيامروه مجلس الاداره مكون من الاسماء اللى قالتها ايمان
رئيس المجلس ابله فاطمه
مساعدين لرئيس المجلس ولد وبنت

ياجماعه احنا كلنا موفقين ان الابله فاطمه هى رئيسه مجلس الاداره ده ماشى بس انا من راى ان احنا قدمنا حاجات كتير ربنا يسهل ونفذها علشان كده انا عوزه اكتر من بنت وولد مع الابله فاطمه ويكون مجلس الاداره ده موجود على طول ومعروف لكل الاعضاء الموجودين والجدد والاولويه لمجلس الاداره لاول شباب لبوا الدعوه ولازم مجلس الاداره يتكون بسرعه

بسم الله الرحمن الرحيم

كانت اتمنى ان احضر الاجتماع ولكن كان فى ظروف المهم انكم تكونوا اتفقتم على راى واتمنى ان تكون بلدنا متطورة وننهض بها